السلام عليكم ورحمة الله وبركاته
اليوم راح اعلمكم طريقة التسجيل في مدونتنا او في اي مدونة ثانية
المهم طريقة التسجيل في المدونة مرررة سهلة بس عشان تسجلي في مدونة لازم يكون عندك حساب بقوقل
وهادا الشي الصعب
اوكي اول شي نبدأ بالتسجيل بقوقل
اول شي ادخلي على صفحة قوقل العادية وتلاقي بالركن مكتوب " تسجيل الدخول
ثانيا :اضغطوا عليها وبعدين راح تجيكم ديه الصفحة اضغطي على " انشاء حساب جديد " كما هوا موضح في الصورة
ثالثا : راح تنفتح معاكم صفحة التسجيل عبوا البيانات زي ما انا موضحتلكم في الصورة يعني هوا تسجيل عادي
رابعا : بعد ما توافقوا على الشروط راح تنفتح لكم صفحة جديدة يطلبوا رقم الجوال اكتبو رقم جوالكم واختارو "رسالة نصية"
زي ما انا موضحتلكم بالصورة واختاروا بلدكم
واضغطوا ارسال رمز التحقيق
خامسا : قوقل راح يرسل لكم رسالة على الجوال فيها الرمز " رقم التأكيد " اكتبي رقم التأكيد في المستطيل في الصفحة الا تنفتح معاكم
زي مو موضحتلكم في الصورة
واضغطوا على " اثبات الهوية "
سادسا : راح تنفتح معاكم هادي الصفحة ومبروووكـ حساب القوقل
دحين خلصنا حساب قوقل وباقي كيف تسجلوا بالمدونة مررررة سهل ادخلو المدونة وروحوا عند المتابعين
واضغطوا اشتراك
وراح تنفتح معاكم الصفحة هادي واضغطوا على " اشتراك بشكل عام " وبعدها اضغطوا على " الاشتراك في المدونة "
زي مو موضحة بالصورة
واخيرا تنفتح معكم الصفحة الاخيرة ومبرووووك التسجيل واضغطوا " تم "
طبعا التسجيل في قوقل مرة وحدة يعني مو كل ما تبي تشتركي في مدونة تشتركي بقوقل لا بتفس الحساب الاولاني
وتعملي خطوات الاشتراك بالمدونة في كل مرة تشتركي
ما رح احلل الا تنقل تعبي من دون ما تذكر انو منقول من مدونة لودي
